COVID: Ene Bataille Tout Sel

Maurice demonstrations pandemic

Dans sa problem COVID-19 la, ena tout kalite l’opinion et ena dimun ki pas oule faire vaccine ou pas croire ki virus la exister.

Mais la verite li bien different avek nu l’opinion personel. Ena ene virus ki pe attaque dimun, li invisible et li fort.

Li pe separ l’humanite en groupes de croyants (dans l’existence du virus) et ban ki pas croire, ban ki pa casse la tete. Etc.

Ena aussi ban ki pe prend l’avantage de la situation, pe faire big money et le zot ki pe gagne pouvoir. Ou pe reste lor pouvoir contre le gree de la population dans zot pei.

A MAURICE

A Maurice meme, fin ena ene demonstration. Ene collegienne ine prend la responsabilite pu faire ene demonstration contre gouvernment.

Li concerne avek so l’education et li apparament conte vaccination.

Gette foto la ou pu capave lire inpe so ban complainte.

Ene page Facebook ine met so foto en demonstration. Bien bon. Dimum pe commenter. Mais personne pena ene solution. Non?

La question est simple: Ki ou le gouvernma la faire dans sa situation pandemik la?

Ban Mauricien pas content sa ‘forced vaccination’ program la. Mais gouvernma la, li ena la force pu faire tout dimun vacciner.

Nu pe truver dans ban pei etranzer cot vaccination ine prend l’ampleur fine ena ouverture dans societe.

SOCIAL DISTANCE?

Des milliers dimun pe alle gette EURO 2020. Zot dans stade en Europe. Mais dans certains pei Sud Americain, cotte vaccination ine retarder, stade pas rempli. Ena meme ki vide mais match football pe jouer.

A nu pense inpe. Le monde pe impose ene ‘passport’ de vaccination pu ban voyazeurs. Donc, si ou envi voyazer, ou bizin prend vaccin.

Eski nu encore bizin pratik social distance dans sa ka la? Oui…parseki pas tout dimun pe oule vaccin.

Zot pu represente ene risk. Zot pas vaccine, zot tombe malade, zot capav infecte dimun ki ine vacciner.

En Amerik, ban corporations pe dire zot pu ferme zot building pu pas laisse ban ki pas ine vacciner rentrer.

Zis ban clients, travailleurs etc ki ine vacciner pu gagne droit rentre. C’est le nouveau norme.

La question ki sa fille la ine poser, li bien interressant. Mais ki choix nu ena?

Vaccin ou non? Move forward or stay backward?

Photo: Facebook

Leave a comment